|
Sagliennu ‘u Casalinu, a vrazzu mancu,
s’arriva ‘ppe dirittu a Zaddrarita
c’ugne santupetrjse ‘e ‘n’atra banna
mò a
‘cchine ‘ccià addimmanna và riciennu
ch’eni à ‘cchjù brutta via de ‘u paise.
Mò, a parte ‘u fattu ca ‘cce signu
natu,
guardannula ‘ccu ‘n’uocchju ‘e
funestieru
griru c’unn’eni ‘u veru
pecchì vie larghe e longhe cum’eni
chissa
‘ccu chjazze ‘mmienzu e graste a li
barcuni,
iurute sia d’astate ca de viernu,
‘ntra Santu Pietru tuttu ‘u’ ‘nci ‘nne
sunu.
‘U sulu guaiu è ca ‘ppe ‘ssa via
nu’ ‘nsi ‘cce pò iocare a
“‘mmucciareddra”
ca i “quatrarietrj” e, ‘cchjùi, “le
quatrareddre”
lassanu ‘e cosiceddre, ‘e pupe e ‘e
paddre
‘ppe lu grirare ‘ncoru a i quattru
vienti,
‘ntra ‘a raggia ‘e i iocaturi
sbrigognati
e lu piacìre ranne ‘e chine ‘e ‘ssente.
Ma cumu se po’ ‘rrire, ‘ppe cuscienza,
ca Zaddrarita nostra ‘u’ ’nneni beddra
sulu ‘ppe ‘sse ciotìe de “picciriddrj”?
Certu li ‘mmiriusi a Santu Pietru
sunu ‘cchjù numerusi de li stiddrj!
<- - - - Lista
|
