|
Oi funestieru ca, ‘ccu l’uocchju ruce,
de cuonsi a fare ‘u giru ‘e ‘ssu paise
sperannu ‘e rimanire senza vuce
‘ppe ‘rrire a tutti pue, ‘ncapu a ‘nnu mise,
de le beddrjzze ca tu ‘ccià trovatu,
si ‘u’ ‘nte vo fare ‘e ‘ncunu ‘mpapocchiare
fatticce accumpagnare ‘e chi ‘cc’è natu
e ca ‘ccu tantu amure ‘u voni fare.
Te vuogliu fa virire ‘e meglie banne
ca ‘a terra calavrise à parturitu
‘ppe ricriare ‘u core, buonu e ranne,
‘e chine, cumu ‘e ‘ttie, l’ani graritu
scusannume si a le vote me permiettu
de ‘ncufuddrare veru e fantasia
ma, crireme, sù cose de lu piettu
e ‘u piettu a le ‘ssentire se ricrìa.
‘A Rota, ‘u Casalinu, lu Timpune,
‘a Chjazza, Zaddrarita, la Jumara
Supasantupetruzzu, ‘a Villa, ‘u Jume,
Butturunatu, i Sietti, lu Carvaru,
‘ccu ‘a Caseddra ‘e Pantanu e lu Puzziddru
fanu de ‘ssu paise ‘nu
trjsuoru
ca, piersu ‘ntra lu munnu
cumu stiddru,
‘ppe ‘nnue paisani e luce e è calure.
Quannu pue viri Santu Benerittu,
Rerichjanu e tutte ‘e turre de ‘a Pignula,
‘u core te comincia a vattire forte…..
e ‘u riestu ‘e ‘a terra nunn’esiste ‘cchjui!
<- - - - Lista
|
