|
A Santu Pietru, ch’enu ‘nu paise
ca vive quasi sulu ‘e cose ‘e terra,
de iurnu ‘u’ ‘nn’eni pue tantu difficile
scontare una de ‘e tante turrereddre
ca venenu ‘e bon’ura ‘ppe vinnìre
chiru c’anu portatu ‘ntra ‘e cisteddre.
Su’ tutte ‘e stesse: beddre pacchjarotte,
russe de facce, nivvure ‘e capiddrj,
l’uocchj de fuocu e ‘u core ‘mmaculatu
cumu l’acquatina de ‘a ‘rroba
ca de matina priestu anu lassatu:
anime ianche ‘ntra le veste a iuri
cusute a manu e a ‘ccientu e ‘cchjù coluri.
Veste ca, ‘ppe lu jìre de
‘u progressu,
nu’ ‘nsunu, cumu è logicu, ‘cchjù ‘e stesse
de chire ca portavanu ‘na vota:
moni puru i jìnuocchj lassanu ‘e fore…
però ‘a vrigogna ‘e tannu ‘cc’eni ancora!
Chjìne de vita, portanu ‘ntra ‘u core
l’adduru friscu de la prima astate;
guai ‘ppe Santu Pietru si ‘nu iurnu
venissi ‘e ‘sse guagliuneddre abbannunatu…
‘ppe ‘e vie ‘cchjù nu’ ‘nce restassi atru colure
ca sulu
chiru ‘e ‘a purvura de i muri.
<- - - - Lista
|
