|
A tutte l’ure, si se spusa ‘ncunu,
si è festa o ‘cc’è ‘nu muortu de pigliare
le cummareddre inghjenu ‘u Timpune
‘ppe ‘u spatrunatu gustu ‘e iuricare.
“ Fa tanta ‘a mossiante e è la ‘cchjù brutta!”
“ ’U velu iancu ‘e ‘na menzina cala!”
“Mi la chjami beddra?… Guàrdacce la vucca! “
“Cum’iddra ‘ntra ‘u paise ‘u’ ‘nc’era ‘a guala!”
“Chiddru vò a chiddra… su ‘u piglia lu trjsuoru!”
“Vue nu’ ‘nsapiti… ieri m’anu rittu…”
e ancora… e ancora tante ‘e chire cose
ca fare rire
“Basta!… ‘u’ ‘jìre avanti…”
puru ‘a le ricchje ranne ‘e ‘n’elefante.
Ma ‘e miegliu fare a menu de parrare
si ‘u’ ‘vvuogliu pur’ìu rittu da li gienti:
“Chiru ca rice all’atrj ‘e iuricare
lu fani ‘cchjù de tutti… senza ritiegnu!”.
<- - - - Lista
|
