|
Sutta ‘u paise, viersu ‘e macchje ‘e
Grate,
‘ncapu a ‘nu cozzarietru ca, ‘ppe ‘a furma,
arrissimiglia a chiru ‘e Santu Pietru,
‘cc’ eni nasciutu, e crisce ‘e iurnu a iurnu,
‘nu mucchjarietru ‘e case ca, ‘ppe ‘u veru,
‘cchjù ca de ‘u nuostru pare funestieru.
A’ ‘nu dialettu a parte e nue paisani
facimu sforzi, a ‘e vote, ‘ppe capiscìre
chiru, ca quannu parranu,
ne vonu rire.
De ‘e feste, pue, è miegliu ‘u’ ‘nne parrare…
cacciatu Natale e Pasqua, le ‘cchjù ranne,
‘ccu l’atre pue nu’ ‘nne
trovàmu mai.
“E’ bietru?” Certu ch’è bietru, fattu ‘u rire,
e, pur’iddru, à tante cose e fà virìre;
quannu ‘cce sini iutu, stà sicuru,
ca, ‘ntra lu viecchju e ‘u nuovu de li muri,
truòvi ùnu de li tanti posticietrj
ca a ‘a terra santupetrjse fani onure.
<- - - - Lista
|
