|
Quannu sona le quattru sù’ le nove…
quannu le nove… simu già a dumani…
e iènnu avanti sempe ‘e chissu passu
vene ‘u momentu, certu nù’ ‘lluntanu,
ca si ‘u rirogiu sona menziùrnu
‘ntra ‘na iurnata a uocchju ‘e ‘u settantunu
invece simu già a l’ottantasette
e iàmu a passiare supa ‘a luna.
Oramai è viecchju, tantu, tantu viecchju
ma ancora ‘u’ ‘nse recìre a jì’ ‘mpensione;
“ Sì, zuoppicu ‘na picca” pare rire
“però m’aviti tutti ‘e cumpatire
ca fazzu chissu, ‘ccu ‘nu ranne core,
da quannu signu natu, ‘ppe volìre
de i santipetrjsi tutti de ‘u passatu.
E sona oie e sona pue dumani
‘u tiempu curre ‘cchjù de
‘n’aeroplanu
e invèce, iu, riestu sempe ‘ccani.
Però ‘na cosa bona vi l’aiu rata:
puru si sbagliu ‘u’ ‘nsignu mai stonatu!’
Pensannucce chi ‘u sa quant’anni tene…
forse settanta, forse ne à novanta
o ancora ‘e ‘cchjùi ma, puru si sbaglia,
nue le volimu ‘u stessu tantu bene
pecchì sentiennu a iddru simu nati,
sentiennu a iddru simu pue crisciuti,
sentiennu a iddru sempe amu pensatu
ai tiempi
bietrj ca si ‘nne su’ iuti.
<- - - - Lista
|
