|
‘E
stranizze ‘e li gienti, certe vote!
Li viecchj zappaturi santipetrjsi,
‘ppe onure a la
Maronna de le gregne,
anu chjantatu, a ‘u
‘mmienzu de ‘u paise,
‘nu fimminune ranne fatta ‘e fierru
ca tene ‘e gamme ‘e fore e, ‘ntra le manu,
‘na favvuce e ‘na longa spica ‘e granu.
Chiru c’ ‘unn’ aiu capitu eni pecchiri
a ‘u postu ‘e ‘u bietru nume ch’ iddra tene*
si ‘cci ‘nne runa ‘n’ atru, Pietru Giugnu,
ca bruttu ‘unn’ eni ma, ‘ppe amure ‘e Diu,
nu’ ‘nsi ‘cce chjama certu ‘na guagliuna
‘ccu occhjuzzi paddraruti e faccia ‘e luna!
L’avissiru chjamata Carmineddra,
Taresa, Crimentina o Francischeddra;
invece nente… li santipetrjsi
se ‘ncrugnanu a la chjamare all’uominigna…
e, pue, circanu grazzie a tutti i misi!
Si fuossi iu ‘ssà beddra guagliuna
ca, puru s’eni ‘e fierru, vire e sente,
a ‘u postu ‘e acqua tutte le ciarriglie
le inghjssi, ‘ppe dispiettu, d’uogliu ‘e purga
e invece de la favvuce e la spica
strjngissi sulu pampine
de ordìca.
<- - - - Lista
|
