|
‘Ccu i cavvuzi ‘e vellutu a zumpafuossu,
‘na giacca ca l’arriva a li jìnuocchj,
cravatta e cammiseddra ‘mericana,
scarpuni chjìni ‘e zanca e, ‘ntra i capiddrj,
quintali ‘e brillantina ca sgargiante
lu fà ‘pparire all’uocchj ‘e tutti quanti,
da la
Pignula scinne a Santu Pietru
lu piecuraru ca, ‘ppe ‘ssa iurnata,
nu’ ‘mpensa ‘cchjù a le grasse piecureddre
c’aspettanu atra erva ‘ntra ‘a caseddra.
‘Ccu ‘u fare de sbambune,
sulu pecchiri tene ‘ntra ‘a sacchetta
cientu liruzze ca s’àni speragnatu
vinniennu mienzu chilu de
ciarvietru
a buonu priezzu, senza ‘u rire a ‘u patre,
vani girannu ‘ppe le vie paisane
sperannu de trovare ‘na guagliuna
ca, rapiennule le vrazza, le ricissi:
“Piecuraruzzu miu, si ‘u’ ‘nte spusu iu
‘cchjù a nuddru ‘u fazzu fare chissu passu
ca bietru cumu ‘e ‘ttie e buonu vestutu
‘ntra ‘u munnu tuttu ‘u’ ‘nn’aiu mai virutu!
Mò, quannu scuonti ‘nu pecurarietru
ca, scisu da ‘a Pignula a Santu Pietru,
se guarda ‘ntuornu, ‘ccu ‘nna faccia de beatu,
statte sicuru cà, dìntra lu core,
de ‘cchjùi a ‘e piecureddre c’à lassatu
‘cc’ è puru ‘a ranne voglia ‘e ‘n’ atru amure.
<- - - - Lista
|
