|
A ‘u ‘mmienzu de la via
ca scinne ‘e Santu Pietru a la
Vatìa
‘cc’eni la
Maronneddra de le Grazzie.
Eni ‘na Ghjesuliddra
cumu ‘cci ‘nnè sù tante ‘ppe le ‘rrobe;
beddra, ‘cchjù ca ‘ppe ‘a fravica,
‘ppe ‘a cuntentizza ‘a anima ca runa
a ‘cchine, ‘nginocchjata a li scaluni,
‘ccu ‘e manu iunte e l’uocchj viersu ‘u cielu,
cianciennu prega e spera.
‘U iurnu de la festa, ‘u due ‘e lugliu,
le Restre sunu tutte chjìne ‘e gienti;
‘ntronanu i spari, sonanu i tammurri,
le cicale ‘e supa l’arvuli de alive
cantanu a turnu e ugne una fà ‘ppe cientu.
I tanti bietrj iuri colorati,
‘ntra ‘e macchje ‘e granu, buonu già ‘ppe ‘u metere,
spannenu ‘n’aria ruce e profumata
ca fà sentire i gienti, ‘cca venuti
da ‘e turre ‘cchjù vicine e da ‘u paise,
cumu si già se fuossi ‘mparavisu.
‘Ncielu lu sule tarda ‘ppe la via…
puru iddru rape ‘a vucca a ‘ss’armunia
mentre la
Maronneddra, ‘e ‘ntra lu quatru,
prega ‘ppe ‘cchine ‘a prega e l’à pregata.
<- - - - Lista
|
