|
‘U trenu ca te porta addrue sì natu
già s’avvicina… è l’ura ‘e ti ‘nne jìre
e ‘u’ ‘ntiegnu ‘cchjù parole ‘ppe ‘tte rire
de ‘a cuntentizza ca tu m’ à portatu.
‘Ntra ‘ssa girata fatta ‘ppe ‘u paise
amu vistu e parratu ‘e tante cose;
de cose beddre e brutte… spine e rose
ca, spieru, anu parratu a nume ‘e tutti.
Te giuru ca a ‘u
principiu, ‘u’ ‘mme crirìa
de resciere a arrivare finu a tantu:
“Sì”, me ricìa, ”’e cose ‘e fà scoprìre
ne simu chjìni ma, lu ‘cchjùi ca manca,
è chiru ca ‘ppe forza s’ani ‘e rire
si se vò ‘mpressionare lu virìre.
Ma pue, ‘ccu ‘u luongu jìre, sà cum’eni,
ugne parola ‘n’ à tirata ‘n’atra,
e a ‘a fine ‘e ‘a visita, quannu aiu pensatu
a chiru c’aiu rittu e volìa rire,
aiu trovatu ca, ‘cchjù de ‘na vota,
m’è fujùta ‘nc’ una cosa cà, ‘ppe ‘u veru,
a ‘e stesse ricchje mie nu‘ ’nn’è sincera.
Cum’eni esciuta nu’ ‘ddru sacciu rire;
è statu ‘u core, sì, ca sulu ‘u core
potìa parrare ‘e ‘u bietru Santu Pietru
‘ccu tanta fantasia e tantu amure.
Te ricu “Tante grazzie”, oi funestieru,
te ricu “Tante grazzie” a nume ‘e tutti;
specie ‘ppe ‘cchine, doppu chiru c’aiu rittu,
nu’ ‘gguarda
‘cchjù ‘u paise ‘cc’uocchj brutti.
<- - - - Lista
|
