|
Parrare ‘e Santu Pietru e ‘u’ ‘nnuminare
puru li tanti barri ca ‘cce sunu
nu’ ‘nfani onure a ‘u fare ‘e cicerune
ca posti ‘cchjù iocusi e riposanti,
‘ntra i luonghi iurni ‘e ‘a vita paisana,
nu’ ‘nci ‘nne sunu a tuoccu de campana.
Su apietri a tutte l’ure e, casu stranu!,
a tutte l’ure sunu sempe chjìni.
Tutti, da i quatrarietrj a li ‘cchjù ranni,
s’anu ‘mparatu ca ‘ppe stare buoni
‘cce vò ‘nu mazzu ‘e carte ‘ntra le manu
e, ’a sira, ‘n’ ura e ‘cchjùi ‘e televisione.
Quannu, a re vote, circhi ‘na persuna
nu’ ‘nfare ‘u giru de ‘u
paise tuttu;
si ‘u’ ‘nn’ eni a ‘u barru ‘e supa statte certu
ca ‘u truovi, ‘cc’ uocchj chjusi, a ‘u barru ‘e sutta.
<- - - - Lista
|
